“WE ARE CALLED TO SERVE”

“WE ARE CALLED TO SERVE”

ni: sacredguy

Sakristan tayo sa puso, sa isip, at pati na sa kaluluwa

Handang mag-alay ng buhay para sa Diyos at sa kapwa

Laging handang tumulong sa pagdiriwang ng misa

Handang magsakripisyo para sa Panginoong may likha

Marami man ang dumating na pagsubok sa atin

Kayang harapin basta’t sama-samang manalangin

Problema mo ay maaaring maging problema namin

Kailangan lang na ang bawat isa ay dapat mahalin

Kung minsan naman ay nagkakaroon din ng sagupaan

Dahil sa hindi pagkakaintindihan at pagkakaunawaan

Subalit naaayos natin iyon dahil sa pagtutulungan

At humahantong sa maayos na pakikipagkaibigan

Sa totoo lang ay mahirap maging lingkod ni kristo

Maraming pwedeng maging hadlang sa pagseserbisyo

Kailangan lang na ang paglilingkod ay taos sa puso

At hindi dapat na magsawa sa pagsisilbi kay kristo

Sa tulong narin ng mga santong tagapangalaga natin

Kasama na ang mga paring gumagabay sa atin

Magampanan nawa natin ang ating mga tungkulin

“We are called to Serve” ang siyang maging motto natin.

(4/1/11, 11:50pm, jcgd)